نشر الفنان المصري احمد حلمي صورة له رفقة ابنه سليم على حسابه الرسمي بموقع التواصل الاجتماعي انستجرام , و تعتبر هذه المرة الاولى من نوعها و سرد احمد حلمي حكايته مع ابنه سليم .
و حكى احمد حلمي حكايته مع ابنه سليم بمناسبة اليوم العالمي للاب الذي تحتفل به منظمة الامم المتحدة للطفولة يونيسيف , وقال احمد حلمي معلقا على الصورة .
" لما كنت طفل كان كل حاجه في حياتي، جبل كبير ضخم كله قوة، وعلى قد قوته كانت حنيته، عمري ما انسى كف أيده الدافئ وهو حاضن أيديا الصغيرة، نينني عيننه اللي بيضحك لما بيبص في وشي، كنت بحس بالأمان لأنه مركز معايا وواخد باله مني " .
" لا شغل شاغله عني ولا اهتمام كان ناقصني، حفظني طريق مدرستي زي ما حفظني امشي في أول خطوتي من الكنبة للترابيزه وهو بيشجعني ومحاوطني بدرعاته، أنه أبي، أنه أبويا، أنه والدي، أنه بابا " .
وأضاف أحمد : " اللي زرعه ابويا من اهتمام وتواصل فرق معايا كتير، أو بمعنى أدق خلاني أب أعرف أتعامل مع أطفالي، شكرا يا أبي شكر دائم ومستمر مدي الحياه.. شكر أتمنى إني استحقه وأسمعه من ابني وبنتي لما يكبروا فأشكرك شكر تاني " .
و انهى أحمد حلمي كلامه بشكر كل أب قائلاً : " شكرا لكل أب بمناسبة عيد الأب.. وطبعا طبعا طبعا شكرا لكل ست لأنها هي اللي ولدت وربت كل طفله بقت أم وكل طفل بقي أب.. يونيسف الشهر ده بتحتفل بكل أب في مصر وفي العالم كله، نزّل صورتك مع ولادك أو صورتك مع والدك مع موقف فاكره أثر في تربية ولادك أو في تربيتك، وأنت صغير وأعمل تاج ليونيسف على هاشتاج (السنين الأولى بتفرق) علشان تكونوا جزء من الحملة دي " .
0 التعليقات