نشر المنتج محمد محمود عبد العزيز رسالة رثاء لوالده الفنان الراحل محمود عبد العزيزعلى حسابه الرسمي بموقع انستجرام بمناسبة حلول شهر رمضان الكريم .
عبر محمد محمود عبد العزيز عن حزنه البالغ بعدم تواجد ابيه الراحل الفنان محمود عبد العزيز خلال هذا الشهر الكريم للمرة الاولى .
و قد نشر صورة له مع الساحر محمود عبد العزيز رحمه الله وعلق عليها قائلا "كل سنه وحضرتك طيب وبخير يا ابويا وصاحبى واخويا وكل ما ليا، اول مره فحياتى ماتكونش معايا وقدام عنيا طول المده دى بس برضه كل سنه وحضرتك طيب لأني حاسس أنك بخير وفي مكان أحسن من اللى احنا فيه بكتير".
واضاف "وعايز أهدي لحضرتك كل حاجه بعملها سواء انتاج او تمثيل او اى حاجه كويسه ممكن اعملها وتبسطك واى خير بعمله او بحاول انى اعمله زى ما حضرتك علمتنى والسنادى بهدى حضرتك صيامى وكل ركعه وكل حرف هقرأه من المصحف الشريف اللى حضرتك ماكنتش بتسيبه، ربنا يتقبل منى ويقدرني وأبقي ربعك فى اى حاجه".
" رمضان كريم كل سنه وحضراتكم جميعا بالف صحة وسلامة وخير وربنا يريح قلوبكم ويشفى كل مريض ويرجع كل بعيد ويصبر أي واحد موجوع ويهون علينا جميعا يا رب بحق الشهر الفضيل , أسألكم الفاتحة والدعاء لأبويا ولأمواتنا جميعا"
0 التعليقات